About today/Main Baghi Hoon
By Dr Khalid Javed, as recited by Benazir Bhutto.
Iss daur ke rasm riwajon se,
Un takhton se, unn tajon se,
Jo zulm ki kokh se jante hain,
Insani khoon se palte hain,
Jo nafrat ki bunyadain hain,
Aur khooni khait ki khadein hain,
Main baghi hoon, main baghi hoon
Woh jin ke hont ki jambish se,
Woh jin ki aankh ki larzish se,
Qanoon badalte rehte hain,
Aur mujrim palte rehte hain,
Un choron ke sardaron se,
Insaaf ke pehraydaron se,
Main baghi hoon, main baghi hoon
Mazhab ke jo beyopari hain,
Woh sab se bari bemari hain,
Woh jin ke siwa sab kafir hain,
Jo deen ka harf-e-aakhir hain,
Un jhooton aur makkaron se,
Mazhab ke thekaydaron se,
Main baghi hoon, main baghi hoon
Mere haath main haq ka jhanda hai,
Mere sar pe zulm ka phanda hai,
Main marne se kab darti hoon,
Main marne se kab darti hoon
Main maut ki khatir zinda hoon,
Main maut ki khatir zinda hoon
Mere khoon ka suraj chamke ga
To bacha bacha bole ga
Main baghi hoon, main baghi hoon
Pingback: Our collective shame. « The World Has Stopped Spinning.
and shehbaz shareef recited main nahin manta of habib jalib back in the lawyers movement days
Pingback: On the Massacre « N, Inc.
Pingback: From the BlogBucket: “Ahmadis Attacked” « CrossPak
Pingback: The end. « erase and rewind